Türkiyə futboluna yaxşı bələd olan Slaven Biliçin çalışdırdığı "West Ham United " Burak Yılmaz üçün yeni təklif göndərib. Goal.az xəbər verir ki, "çəkicdöyənlər" türk hücumçuya görə "Galatasaray"a 7 milyon avro təklif edib. Bunun 6 milyonu birdəfəlik "Cim bom"un hesabına köçürüləcək. Qalan 1 milyon isə "West Ham"in Avrokuboklara çıxacağı təqdirdə qarşı tərəfə ödəniləcək. Bu məsələdə son qərarı Burak özü verəcək. İstanbul klubunun qol silahı getmək fikrinə düşsə, "Galatasaray" ingilislərlə masa arxasına oturacaq.