19/03/2020
17:32
1494
| A A A
Avropa top-liqalarının koronavirusa görə itkisi - 4 milyard avro

KPMG konsaltinq şirkəti Avropanın 5 ən güclü liqasının koronavirus pandemiyası ilə əlaqədar maliyyə itkilərini hesablayıb.

Goal.az-ın məlumatına görə, İngiltərə, İspaniya, İtaliya, Almaniya və Fransa çempionatlarının 3,45 milyard avrodan 4 milyard avroyadək ümumi gəlirdən məhrum olduqları müəyyənləşib.

Ən çox itkiyə İngiltərə Premyer Liqası məruz qalıb - 1,35 milyard avro. Bu məbləğin 800 milyon avrosu teleyayımdan itirilən gəlirlərdir.

İspaniya La Liqası teleyayımın ləğvindən 600 milyon avro, İtaliya A Seriyası 450 milyon avro, Almaniya Bundesliqası 400 milyon avro, Fransa Liqa 1-i isə 200 milyon avro itirə bilər.

Hesablama Avropa çempionatının 2021-ci ilədək təxirə salınmasına dair UEFA-nın qərarınadək aparılıb. 2019/2020 mövsümünü 30 iyunadək oynamaq mümkün olsa, itkilər bu qədər kritik olmaya bilər. (Report)