06/12/2021
17:49
3422
| A A A
"Dörd il dünya çempionatları üçün uzun müddətdir"

"Bizim indi dünya çempionatı adlandırdığımız turnir tarixən digərlərindən daha güclü olan bir qrup komandanın mübarizəsidir. İştirakçı sayının artması bunu bir qədər dəyişəcək. Lakin 4 il çox uzun gözləmə müddətidir".

Goal.az xəbər verir ki, bu fikirləri FIFA prezidenti Canni İnfantino dünya çempionatının 2 ildən bir keçirilməsi ideyası ilə bağlı Sinqapurda "AFF Suzuki Cup" turnirinin açılış mərasimində deyib.

Funksioner bildirib ki, mundiallar arasındakı vaxtı qısaltmaqla qeyri-futbol ölkələrinin irəliləyişinə nail olacaqlar: "Məsələn, Sinqapurun arzusu dünyanın ən yaxşı komandaları ilə oynamaq şansı qazanmaqdır. Beynəlxalq pəncərələrin sayını artırmaq lazım deyil, onları düzgün strukturlaşdırmaq və daha uzunmüddətli etmək kifayətdir".

Qeyd edək ki, hazırda dünya çempionatı 4 ildən bir keçirilir. Növbəti mundial 2022-ci il noyabrın 21-dən dekabrın 18-dək Qətərdə olacaq. (report)