11/07/2018
12:50
3834
| A A A
Roberto Martines: “Dünya üçüncüsü olmaq fürsəti hər zaman ələ düşmür”

Dünya çempionatının yarımfinalında Fransa millisinə məğlub olan belçikalıların (1: 0) baş məşqçisi Roberto Martines KİV nümayəndələrinə müsahibə verib. Goal.az həmin müsahibəni təqdim edir. - Sizcə, qolu birinci vuran komanda mütləq qalib gəlir, yoxsa məglubiyyətinizin başqa səbəbləri var? - Çox çətin bir oyun oldu. İkinci hissəyə yaxşı başlamışdıq. Təəssüf ki, qolu məhz ikinci hissədə buraxdıq. Əlimizə düşən fürsətlərdən yararlanmadıq. Qələbə və ya məğlubiyyət bir topla ölçülmür. Oyun bərabər səviyyədə keçdi. Fransa millisi əks hücumlarda Qrizmann və Mbappedən yararlana bildi. Biz fransızlardan pis oynamadıq . Komandamdan razıyam. Xüsusilə müdafiə xəttindən. Fransızlar matçın sonlarında yaxşı müdafiə olundular. Oyun üslubuna görə komandalar arasında fərq böyük deyildi. Futbolçularımla qürur duyuram . Biz əlimizdən gələni etdik. -Belçika millisi mundialda öz qapısından 5 top buraxdı. Həmin toplardan üçü standart vəziyyətlərdə qeydə alındı. Niyə? -Fransa güclü komandadır. Büzüm də yaxşı kollektivimiz var. Deməzdim ki, standart vəziyyətlərdə qol buraxmaq bizim zəif yerimizdir. -Belçika millisinin gələcəyini necə görürsünüz? Siz bu komandada olacaqsınız? -Bu barədə danışmaq hələ tezdir. Axırıncı oyuna hazırlaşmaq lazımdır. Üçüncü yer uğrunda mübarizə aparacağıq. 20-21 yaşlı futbolçular arasında istedadlılar kifayət qədərdir. Seçim etmək, komandanı gücləndirmək və gələcəyə hazırlamaq lazımdır. - Üçüncü yer sizin üçün əhəmiyyət kəsb edirmı? - Hisslərimi ifadə etməkdə çətinlik çəkirəm. Yarımfinalda uduzduğumuza görə təəssüflənirəm. Futbolçularım da, bu hisslərlə yşayırlar. Başa düşürəm ki, belə vəziyyətdə növbəti oyuna həvəslə hazırlaşmaq asan deyil. Amma biz bunu etməliyik . Dünya çempionatında üçüncü olmaq fürsəti hər zaman ələ düşmür. Belçika millisi yalnız bir dəfə dünya üçüncüsü olub.