07/09/2019
10:05
1211
| A A A
"Heç kim Azərbaycanı zəif rəqib kimi görmür" - Rayan Giqqz

"Çox önəmli oyun idi. İlk hissədə futbolçulardan razı qalmadım. Bəziləri fiziki cəhətdən yaxşı deyildilər, səhvlər buraxdıq. Nəticədən razıyam. Amma bizim üçün asan olmadı".

Goal.az xəbər verir ki, bu sözləri Uels yığmasının baş məşqçisi Rayan Giqqz Avro-2020-nin seçmə mərhələsində Azərbaycan millisini evdə 2:1 hesabı ilə məğlub etdikləri oyununda sonra təşkil edilən mətbuat konfransında deyib.

46 yaşlı mütəxəssis yığmamızın ünvanına xoş sözlər deyib: "Beyl bu gün qol vurdu, kapitan kimi də komandanı irəli apara bildi. Çox yaxşı performans göstərdi. İlk hissədən razı deyildim. Daha yaxşı oynaya bilərdik. Azərbaycan millisi Xorvatiya ilə olduğu kimi, çox yaxşı çıxış etdi. Heç də asan oyun deyildi. Matç ərzində sürətli ola bilmədik. Rəqibimiz həqiqətən yaxşı çıxış etdi. Topu ortada özlərində saxlaya, əks-hücumlara çıxa bilirdilər. Bu qarşılaşmadan dərs çıxarılası məqamlar var".

Giqqz "Klubda çalışsaydınız, Azərbaycan millisindən kimisə öz komandanıza götürərdinizmi" sualına belə cavab verib: "Hansısa futbolçunu fərqləndirmək istəməzdim. Amma Azərbaycan millisinin heyətində çox yaxşı futbolçuların yer aldığını deyə bilərəm. Bu gün həqiqətən çox yaxşı oyun sərgilədilər. Heç kim Azərbaycanı zəif rəqib kimi görmür. Digər rəqiblərin diqqətdə saxlamalı olduğu komandadır. Bu gün 3 xalı böyük çətinliklə əldə etdik" (Report).

Ən maraqlısı hansıdır?

ÇEMPİONLAR LİQASI
%
AVROLİQA
%
AVROPA ÇEMPİONATI
%
DÜNYA ÇEMPİONATI
%
34160 səs