29/09/2019
20:31
667
| A A A
"Getmək lazım olsa, qəti qərar verməyə hazıram" - Aftandil Hacıyev

"İki fərqli hissə izlədik. Rəqibi təbrik edirəm. İlk hissədə qaçırdığımız qol epizodları oldu. Fasilədən sonra üstünlüyü əldən verdik".

Qol.az xəbər verir ki, bu sözləri "Səbail"in baş məşqçisi Aftandil Hacıyev Azərbaycan Premyer Liqasının 6-cı turunda səfərdə "Sabah"a uduzduqları oyundan sonra mətbuat konfransında deyib.

O, 0:3 hesablı məğlubiyyəti belə şərh edib: "Qol epizodlarının reallaşdırılması üzərində işləməliyik. İlk qol fərdi səhv idi. Bundan sonra toparlana bilmədik. Ehtiyat qüvvədən yararlanmağa çalışdıq. 2-3-cü qolları isə son dəqiqələrdə buraxdıq. Bu oyunu təhlil edib, səhvləri aradan qaldırmalıyıq.

Rəqibin qələbəsi yox idi. Bizə qarşı fərqli motivasiya ilə oynayacaqlarını bilirdik. Şanslardan istifadə edə bilsəydik, fərqli oyun olardı. Bu gün “Səbail”lə “Sabah”ın klub olaraq fərqi çoxdur".

Hacıyev turnir cədvəlinin ikinci pilləsində olmalarına baxmayaraq, komandada problemlərin çox olduğunu bildirib: "Hər tur eyni heyətlə oynamalı oluruq. Rotasiyalar olmur, istədiyimiz oyunu tapa bilmirəm. Bərpa olunub, əlimizdən gələni etməyə çalışacağıq. “Səbail”in 5 turda topladığı xal çoxlarını aldada bilər. Rəqiblərlə müqayisədə bizim üçün çox çətindir. "Sabah" həm maddi, həm rəqabət, həm infrastruktur baxımından bizdən üstündür. Bir çox məsələlərdə problemlərimiz var".

Gənc çalışdırıcı rəqib komandada baş məşqçi dəyişikliyinə baxmayaraq, fərqli oyun üslubu ilə qarşılaşmadıqlarını qeyd edib: "İqor Ponomaryovun işinə qiymət vermək üçün tezdir. Elşad Əhmədovun vaxtında da maraqlı oynayırdılar, sadəcə, nəticə yox idi. Həmin futbolçular idi, oyunlarında ciddi dəyişiklik hiss etmədik. Gözlədiyimiz oyun oldu. İlk hissədə qolları vursaydıq, fərqli nəticə olardı".

A.Hacıyev hər uğursuz oyundan sonra komandadan göndəriləcəyi haqda yayılan iddiaları anlamadığını deyib: "Mənə də maraqlıdır ki, bu haradan qaynaqlanır. Rəhbərliklə münasibətlər qaydasındadır. Bu barədə söhbətimiz olmayıb. İstənməyən yerdə qalmağı düşünmürəm. Getmək lazım olsa, qəti qərar verməyə hazıram. İndi isə bu, müzakirə mövzusu deyil".

Ən maraqlısı hansıdır?

ÇEMPİONLAR LİQASI
%
AVROLİQA
%
AVROPA ÇEMPİONATI
%
DÜNYA ÇEMPİONATI
%
36015 səs