10/12/2019
16:56
2633
| A A A
“Messiyə istirahət verdim” – Valverde

Barcelona-nın baş məşqçisi Ernesto Valverde Çempiolar Liqasının qrup mərhələsinin sonuncu turunda İnter-lə qarşılaşacaqları matçla bağlı fikirlərini bildirib.

Goal.az xəbər verir ki, UEFA-nın mətbuat xidmətinə açıqlama verən Valverde, Lionel Messiyə istirahət verdiyini də deyib:

“İnter-lə oyun bizim üçün əsl test olacaq. Bəli, pley-off mərhələsinə vəsiqə qazanmışıq, ancaq bu matçda da qələbə qazanmaq istəyirik. Düşünürəm ki, İnter əsas heyəti ilə oynayacaq və qələbə qazanmağa çalışacaq. İlk oyunda da bizə çətinlik yaşatmışdılar.

Artıq qələbələr qazanmağa başlamışıq. Qarşıdakı oyunları nəzərə alaraq, Messiyə istirahət verdim”.

Qeyd edək ki, bu gün keçiriləcək İnter – Barcelona matçı saat 00:00-da start götürəcək.