23/10/2019
18:06
765
| A A A
Rəhmanov erməniyə qalib gəlib, "bürünc" qazandı

Çinin Uhan şəhərində Hərbçilərin Dünya Oyunları davam edir. 

Goal.az xəbər verir ki, bu gün Mikayıl Rəhmanov (67 kq) güləşdə ilk medalımızı qazanıb.

Suriyalı Abdulkərim Əl-Həsən xalça üzərinə çıxmadığı üçün ilk mərhələdən azad olan həmyerlimiz 1/4 finalda fransız Mamadassa Silladan güclü olub - 8:0. Yarımfinalda dünya və ikiqat Avropa çempionu Artyom Surkovla qarşılaşan Rəhmanov Rusiya təmsilçisinə 1:3 hesabıyla uduzub. Mikayıl bürünc medal uğrunda görüşdə gənclər arasında son dünya çempionatının gümüş medalçısı Şant Xaçatryanla üz-üzə gəlib. Yunan-Roma güləşçimiz Ermənistan idmançısıyla prinsipial görüşdən 5:0 hesabıyla qalib ayrılaraq Dünya Oyunlarında üçüncü yeri tutub.

Qeyd edək ki, sərbəst güləşdə Mahir Əmiraslanov (57 kq) və Ağahüseyn Mustafayev (74 kq), qadın güləşində Tatyana Varansova (53 kq), eləcə də yunan-Roma güləşində Murad Bazarov (60 kq) mübarizəni medalsız başa vurub. Daha iki yunan-Roma güləşçimiz - Həsən Əliyevlə (77 kq) Rafiq Hüseynov (87 kq) isə oktyabrın 24-də xalça üzərinə çıxacaq.

Ən maraqlısı hansıdır?

ÇEMPİONLAR LİQASI
%
AVROLİQA
%
AVROPA ÇEMPİONATI
%
DÜNYA ÇEMPİONATI
%
39907 səs