11/05/2019
15:33
942
| A A A
Ayın ən yaxşısı Salah seçildi

Liverpool-un ulduz futbolçusu, hücumçu Məhəmməd Salah aprelin nəticəsinə görə klubun ən yaxşı oyunçusu elan edilib.

Bu barədə Goal.az İngiltərə mətbuatına istinadən xəbər verir.

"Bu, bizim hamımız üçün əla ay idi, əhəmiyyətli oyunlar və onların hamısında qalib gəldik. Mən buna çox şadam. İndi mövsümdə bizi son oyun, həmçinin Çempionlar Liqasının finalı gözləyir və bu əladır. Bu, bizim üçün ən əhəmiyyətlidir", - deyə "qırmızılar"ın mətbuat xidməti misirli futbolçunun sözlərini sitat gətirib.

Salah ötən ay Southampton-a, Huddersfield-ə, Cardiff City-yə, Chelsea-yə, həmçinin Çempionlar Liqasının dörddə bir finalı çərçivəsində Porto-ya qarşı oynayıb. O, altı matçda beş qol vurub.

Daha əvvəl bildirilirdi ki, Salah İngiltərə Premyer-Liqasının mövsümünün ən yaxşı oyunçusu adına iddia edir. Qeyd edək ki, Məhəmməd Salah həm də Premyer Liqanın XXXVI turunda Huddersfield-la matçda İngiltərə təmsilçisinin tarixinə düşüb. 27 yaşlı yarımmüdafiəçi həmin görüşdə iki qol vurmaqla yeni rekorda imza atıb. Misirli oyunçu "mersisaydlılar"ın heyətində 100-cü matçında 69-cu qolunu vurub. Bu isə klub tarixində ən yaxşı nəticədir.

Ən maraqlısı hansıdır?

ÇEMPİONLAR LİQASI
%
AVROLİQA
%
AVROPA ÇEMPİONATI
%
DÜNYA ÇEMPİONATI
%
27013 səs