29/06/2020
11:50
350
| A A A
Karantin qaydalarını pozan futbolçular heyətdən kənarlaşdırıldı

Watford-un futbolçusu Andre Qrey özünə ad günü ziyafəti təşkil edib.

Goal.az xəbər verir ki, ingilis hücumçu iyunun 26-da, 29 yaşının tamam olmasına görə 20 nəfərin iştirak etdiyi parti verib.

Ziyafətə Watford-un digər futbolçularından Dominqos Kvinlə Nataniel Çaloba da qatılıb.

Artıq klub sözügedən məsələ ilə bağlı rəsmi mövqeyini açıqlayıb. Belə ki, Watford karantin qaydalarının pozulmasına görə bu üç oyunçunun heyətdən kənarlaşdırıldığını elan edib. Bu barədə klubun mətbuat xidməti məlumat yayıb. Bildirilir ki, baş məşqçi Naycel Pirsonun qərarına əsasən Qrey, Çaloba və Kvin əsas komandadan müvəqqəti kənarlaşdırılıb. Bu qərar Premyer Liqanın 32-ci turu çərçivəsində ötən gün baş tutan Southampton-la oyunda bütün oyunçuların, əməkdaşların və rəsmi şəxslərin sağlamlığının və təhlükəsizliyinin təminatı üçün qəbul edilib. Sözügedən qarşılaşma Watford-un 1:3 hesablı məğlubiyyəti ilə başa çatıb.

İngiltərədə koronavirus pandemiyasına görə bir sıra məhdudiyyətlər tətbiq edilir. Bunlardan biri də altı nəfərdən çox insanın bir yerə toplaşmamasıdır. (Matc)

Bizi hansı ölkədən izləyirsiniz?

AZƏRBAYCAN
%
TÜRKİYƏ
%
RUSİYA
%
DİGƏR
%
7315 səs