21/11/2019
11:53
1408
| A A A
Fiorentina-nın futbolçusu döyüldü

Fiorentina-nın futbolçusu Aleksa Terziç naməlum şəxslər tərəfindən döyülüb.

Goal.az xəbər verir ki, Serbiyanın U-21 yığmasının düşərgəsindən ayrıldıqdan sonra şəxsi avtomobili ilə ailəsini ziyarət etmək üçün Belqrad şəhərindən Nişə yola düşən 20 yaşlı müdafiəçi bir qrup şəxsin hücumuna məruz qalıb. Naməlum şəxslər əvvəlcə gənc futbolçunu təqib edib, daha sonra ondan maşınını saxlamasını istəyiblər. Avtomobildən düşən futbolçudan 5 min avro pul istəyən xuliqanlar, bu tələblərinə əməl etməyən Terziçi döyməyə başlayıblar.

Xəstəxanaya yerləşdirilən futbolçunun burnunda qırıq, bədəninin müxtəlif yerlərində xəsarətlər aşkarlanıb.

Hazırda Serbiya polisi baş verən hadisəni araşdırmağa başlayıb.

money.az currency

Noyabrın ən yaxşı futbolçusu?

PEYMAN BABAYİ
%
DAVİT VOLKOV
%
RİÇARD QADZE
%
JOZEF MONROZ
%
1142 səs