Roma-nın futbolçusu Stefan El Şaaravi zədələnib.

Goal.az xəbər verir ki, bu barədə klubun rəsmi saytı məlumat yayıb. 28 yaşlı hücumçu Sassuolo ilə matçın (2:2) 74-cü dəqiqəsində sıradan çıxıb. Müayinə nəticəsində onun bud əzələsinin zədələndiyi müəyyənləşib. İtaliyalı oyunçu Avropa Liqasının 1/4 finalında Ajax-la səfər görüşünü buraxacaq.

Qeyd edək ki, aprelin 8-də keçiriləcək Ajax - Roma matçı Bakı vaxtı ilə 23:00-da başlayacaq.