08/08/2022
19:40
1760
| A A A
Qəbələ səfərdə Turan Tovuz-a qalib gəlib

Azərbaycan Premyer Liqasında ilk tura yekun vurulub.

Goal.az xəbər verir ki, son oyun günündə bir görüş keçirilib.

9 illik fasilədən sonra elitaya qayıdan "Turan Tovuz" evdə "Qəbələ" ilə üz-üzə gəlib. Tovuz şəhər stadionundakı qarşılaşma qonaqların 2:0 hesablı qələbəsi ilə başa çatıb.

31-ci dəqiqədə meydan sahiblərinin yarımmüdafiəçisi Piruzi Marakvelidze birbaşa qırmızı vərəqə ilə meydandan qovulub. Hesab isə 58-ci dəqiqədə açılıb. Penaltini dəqiq yerinə yetirən İsnik Alimi "qırmızı-qaralar"ı önə keçirib. Görüşdə son nöqtəni isə 63-cü dəqiqədə Rafael Utziq qoyub.

Bu nəticədən sonra "Qəbələ" 3 xalla 3-cü pillədə qərarlaşıb. "Sabah", "Qarabağ", "Zirə" və "Neftçi"də eyni xala malikdir. Xalı olmayan "Turan Tovuz" isə 9-cı sırada yer alıb.