23/01/2021
12:26
1533
| A A A
Neymar 100-ə çatdı

PSG klubunun futbolçusu Neymar üçün Monpellier-ə qarşı Fransa Liqa 1-in XXI tur matçı əlamətdar olub.

Goal.az xəbər verir ki, braziliyalı hücumçu Paris komandasının heyətində 100-cü oyununa çıxıb. 28 yaşlı forvard 60-cı dəqiqədə fərqlənib. Görüş PSG-nin böyük hesablı qələbəsi ilə yekunlaşıb - 4:0. Digər qolları 32-ci və 63-cü dəqiqələrdə Kilian Mbappe, 61-ci dəqiqədə Mauro İkardi vurub. 17-ci dəqiqədə Monpellier-in qapıçısı Yonas Omlin Mbappeyə qarşı kobud oyunu səbəbindən birbaşa qırmızı vərəqə alıb.

Neymar PSG-yə 2017-ci ildə Barcelona-dan 222 milyon avroya keçib. Bu, futbol tarixinə ən bahalı transfer kimi düşüb.

"Sambaçı" Paris komandasında oyunlarından 61-ni Liqa 1-də, 25-ni Çempionlar Liqasında, 6-nı Fransa Kubokunda, 4-nü Fransa Liqa Kuboku və 2-ni Fransa Super Kubokunda keçirib. O, 100 oyuna 80 qol vurub.

Qeyd edək ki, bu qələbədən sonra PSG xalını 45-ə çatdıraraq, vahid liderə çevrilib.

Saytda ən çox izlədiyiniz bölmə hansıdır?

XƏBƏRLƏR
%
VİDEO İCMALLAR
%
19862 səs