PSG-nin futbolçusu Mauro İkardinin evi qarət olunub.

Goal.az xəbər verir ki, oğurluq hadisəsi yanvarın 30-da gecə saatlarında baş verib. Soyğuncular evə pəncərədən daxil olublar.

Həmin gün PSG Fransa çempionatının XXII turunda səfərdə Lorient-a üz-üzə gəlib. 28 yaşlı hücumçunun evindən zinət əşyaları, saatlar və bəzi geyimlər götürülüb. İkardiyə 400 min avro məbləğində ziyan dəyib.

Hadisə ilə bağlı araşdırma aparılır.

Qeyd edək ki, PSG Lorient-a 2:3 hesabı ilə uduzub.