21/06/2022
13:16
2562
| A A A
PSG yeni baş məşqçidən ötrü 10 milyon avro kompensasiya ödəyəcək

PSG-nin baş məşqçisi Maurisio Poçettino bu həftə postundan istefaya göndəriləcək.

Goal.az xəbər verir ki, Paris təmsilçisi bu posta hazırda Nice-da çalışan Kristof Qaltyeni gətirmək istəyir. Ona görə həmin kluba 10 milyon avro kompensasiya ödəniləcək.

Poçettinonun istefası iyunun 23-də baş verəcək. Argentinalı mütəxəssisə və köməkçilərinə 15 milyon avro ödəniləcək. Qaltyenin Nice ilə müqaviləsinin pozulmasından ötrü aparılmış danışıqlarda kompensasiya məbləği sarıdan ortaq məxrəcə gəlinməsi uzun müddətdən sonra mümkün olub.

İyulun 4-də PSG məşqləri yeni baş məşqçinin rəhbərliyi altında bərpa edəcək. (report)