10/02/2019
09:52
789
| A A A
Topaz Premyer Liqasında XVI tura yekun vurulur

Bu gün Topaz Premyer Liqasında XVI tura yekun vurulacaq.

Goal.az xəbər verir ki, ikinci oyun günündə daha iki qarşılaşma baş tutacaq.

İlk olaraq meydana Neftçi və Keşlə çıxacaq. Birincilərin meydanıda keçiriləcək görüş saat 14:00-da start götürəcək. Tərlan Əhmədovun yetirmələri Səbail-lə matçda darmadağın yaşadıqdan sonra lideri büdrətməklə xal hesabını artırmalıdır. “Ağ-qaralar” isə Qarabağ-la xal fərqinin əriməməsi üçün mütləq qalib gəlməlidir. Roberto Bordinin komandası fasilədən sonra tribunaya dönən Forza Neftçi-nin ad gününün ertəsi qələbə hədiyyə etməyə borcludur.

XVI turun son matçı Bayıl Arenada keçiriləcək. Mövsümün sürpriz komandası sayılan Səbail son sırada qərarlaşan Zirə-ni qəbul edəcək. Heç cür öz oyununu tapa bilməyən Samir Abasovun yetirmələri ciddi itkilərlə çıxacaqları görüşdə uğursuzluqlara son qoymağa çalışacaq. Aftandil Hacıyevin yetirmələri isə izləyiciləri ilə fərqin azalmaması üçün bu turu da itkisiz keçməlidir.

Topaz Premyer Liqası

XVI tur

10 fevral (bazar)

14:00. Neftçi – Keşlə

Bakcell Arena.

Hakimlər: İnqilab Məmmədov, Rahil Ramazanov, Pərvin Talıbov, Rövşən Rəcəbov

16:30. Səbail – Zirə

Bayıl Arena.

Hakimlər: Əliyar Ağayev, Akif Əmirəli, Rza Məmmədov, Nail Nağıyev

Ən maraqlısı hansıdır?

ÇEMPİONLAR LİQASI
%
AVROLİQA
%
AVROPA ÇEMPİONATI
%
DÜNYA ÇEMPİONATI
%
7333 səs