05/03/2019
10:14
3704
| A A A
Ançelotti Azərbaycanı təriflədi, Neftçi-nin 1997-ci ildəki oyununu xatırladı

"Azərbaycan sürətlə böyüyən və böyük inkişafa nail olan ölkədir".

Goal.az-ın məlumatına görə, bunu İtaliyanın Napoli klubunun baş məşqçisi Karlo Ançelotti Bakıda keçiriləcək Avropa Liqasının final oyunu barədə danışarkən deyib. 60 yaşlı mütəxəssis indiyədək özünün yox, köməkçisinin Azərbaycanda olduğunu diqqətə çatdırıb. "1995-ci ildə biz Polşanın Vidzev komandası ilə Çempionlar Liqasının oyununda üz-üzə gələcəkdik. Əməkdaşımızı göndərdik ki, gedib potensial rəqibimizin oyununa baxsın".

Əslində, məşhur baş məşqçinin bəhs etdiyi matç 1997-ci il iyulun 23-də keçirilib. Vidzev-lə Çempionlar Liqasının (ÇL) I təsnifat mərhələsinin ilk görüşündə qarşılaşan komanda isə Neftçi olub. Azərbaycan təmsilçisi Bakıda 0:2, bundan bir həftə sonra isə Lodz şəhərində 0:8 hesabı ilə uduzaraq, mübarizəni dayandırıb. Növbəti mərhələdə Vidzev-həmin vaxt Ançelottinin rəhbərlik etdiyi Parma ilə qarşılaşıb. İtaliya komandası evdə 4:0, səfərdə 3:1 hesabı ilə qalib gələrək, ÇL-in III təsnifat mərhələsinə adlayıb.

Napoli hazırda mübarizəni Avropa Liqasında davam etdirir. Neapol klubu 1/8 finalda Avstriya Salzburg-u ilə ilk görüşünü martın 7-də ev, cavab matçını martın 14-də səfərdə keçirəcək.

Qeyd edək ki, mayın 29-da Bakı Olimpiya Stadionunda təşkil olunacaq final qarşılaşması saat 23:00-da başlayacaq. (report)

Çempionlar Liqasının qalibi hansı klub olacaq?

TOTTENHAM
%
LIVERPOOL
%
16949 səs