30/09/2019
13:19
1451
| A A A
Dudelange - Qarabağ matçı şotland hakimlərə tapşırıldı

Qarabağ-ın Lüksemburqda Dudelange-la keçirəcəyi UEFA Avropa Liqasının qrup mərhələsinin II tur matçı üçün bütün təyinatlar açıqlanıb.

Goal.az-ın məlumatına görə, qarşılaşma Şotlandiyadan olan hakimlər briqadasına həvalə edilib. Baş hakim Con Bitona Daniel Makfarlan və Duqlas Potter yan xətt, Donald Robertson isə dördüncü hakim qismində yardımçı olacaq.

Norveçli Yon Eylif Skyervold hakim-inspektor, avstriyalı Maykl Zoratti isə UEFA nümayəndəsi funksiyasını yerinə yetirəcək.

Biton 2016/2017 mövsümündə də Qarabağ-ın matçına təyinat alıb. O, Ağdam təmsilçisinin Avropa Liqasının qrup mərhələsində Yunanıstanda PAOK-a 1:0 hesabı ilə qalib gəldiyi görüşün baş hakimi olub. Şotlandiyalı referi, həmçinin iyunun 11-də Azərbaycan yığmasının AVRO-2020-nin seçmə mərhələsində evdə Slovakiyaya 1:5 hesabı ilə uduzduğu oyunu da idarə edib.

Oktyabrın 3-də Lümsemburqdakı "Jozi Bartel" stadionunda təşkil olunacaq Dudelange - Qarabağ qarşılaşması Bakı vaxtı ilə saat 23:00-da başlanacaq.

Ən maraqlısı hansıdır?

ÇEMPİONLAR LİQASI
%
AVROLİQA
%
AVROPA ÇEMPİONATI
%
DÜNYA ÇEMPİONATI
%
36015 səs