16/04/2018
18:23
1336
| A A A
Millimizin daha bir rəqibi müəyyənləşib

Futbol üzrə Azərbaycan milli komandası daha bir yoldaşlıq oyunu keçirəcək. 

Goal.az-ın AFFA-nın rəsmi saytına istinadən verdiyi məlumata görə, iyunun 5-də Astana şəhərində təşkil olunacaq qarşılaşmada rəqib Qazaxıstan yığması olacaq. Bu barədə AFFA ilə Qazaxıstan Futbol Federasiyası arasında razılıq əldə olunub.  

Razılaşma çərçivəsində milli komandaların oyunundan 1 gün əvvəl – iyunun 4-də Astanada Qazaxıstan və Azərbaycanın 21 yaşadək futbolçulardan ibarət yığmaları yoldaşlıq oyununda üz-üzə gələcək.

U-21-lərin oyunu Bakı vaxtı ilə saat 13:00-da, milli komandaların qarşılaşması isə saat 18:00-da başlayacaq.