21/11/2018
13:21
1531
| A A A
Almeyda hamını qabaqladı

UEFA Millətlər Liqasının qrup mərhələsinin oyunlarının yekun statistik göstəricilərini açıqlayıb.

Goal.az xəbər verir ki, Azərbaycan milli komandasının futbolçusu Riçard Almeyda 6 tur ərzində dəqiq ötürmə verən futbolçuların siyahısında ilk pillədə qərarlaşıb.

30 yaşlı yarımmüdafiəçi 454 dəqiq ötürmə ilə bütün futbolçuları qabaqlayıb.

Millətlər Liqasının qrup mərhələsində ən çox qol vuran futbolçu isə serbiyalı Aleksandr Mitroviç olub. 24 yaşlı hücum 6 dəfə rəqib qapılarına yol tapıb.

San-Marinonun qapıçısı Elia Benedettini "seyv” sayında zirvədə yer alıb. O, 16 top buraxdığı halda, 41 dəfə komandasını qoldan xilas edib.

Ən çox qol ötürməsi verənlərin siyahısında ispaniyalı Marko Asensio liderdir. O, komanda yoldaşlarının qol vurmasına 5 dəfə bilavasitə yardımçı olub.

Millətlər Liqasının qrup mərhələsində çox qol vuran yığma isə Kosovodur. Komandanın futbolçuları 15 dəfə fərqləniblər.

Qeyd edək ki, Azərbaycan milli komandası qrup mərhələsinin VI turunda Kosovoya 0:4 hesabı ilə məğlub olduqdan sonra turnirlə vidalaşıb.