07/12/2018
12:46
430
| A A A
Milli komanda ilə ilin yekunları - YAZI

AFFA-nın İcraiyyə Komitəsinin sabah keçiriləcək növbəti iclasında Azərbaycan milli komandalarının 2018-ci ildəki çıxışı müzakirə olunacaq.

Goal.az xəbər verir ki, "Matç.az" saytı əsas yığmanın bitməkdə olan ili ilə bağlı yekunları hazırlayıb.

2018-ci ildə millimizi baş məşqçi kimi 12 oyuna çıxaran Qurban Qurbanov bu matçlarında 34 futbolçuya güvənib. Yalnız iki oyunçu bütün görüşlərdə iştirak edib. Bunlar Maksim Medvedevlə Qara Qarayevdir. Lakin onlardan heç biri həmin qarşılaşmaları əvəzolinmadan keçirməyib. Meydanda keçirilən dəqiqə baxımından Maksim komanda yoldaşını qabaqlayır. Vaxtilə AFFA-nın təsis etdiyi ən çox oynayan futbolçu mükafatı bir neçə il əvvəl ləğv edilməsəydi, məhs Medvedev buna layiq görülərdi.

Əvəzolunmazı olmayan yığmamızda 4 futbolçu 10 görüşə çıxıb. Kamran Ağayev, Pavel Paşayev, Mahir Mədətov və Dmitri Nazarov hərəyə iki matçı buraxıb. “34-lük”dən altısı cəmi 1 dəfə şans qazanıb.

2018-ci ildə 9 futbolçu millidə qol sevinci yaşayıb. Yığmanın bombardiri Riçard Almeydadı. Milliləşən legioner 3 dəfə rəqib qapısına yol tapıb. Dmitri Nazarovla Mahir Mədətov isə 2 dəfə fərqlənib.

İl ərzində yığmanın 11 üzvü vərəqə ilə cəzalanıb. Qara Qarayev “antirekordçudur. O, 3 dəfə cəzalanıb. Təmkin Xəlilzadə, Dmitri Nazarov və Riçard Almeydanın hərəyə iki xəbərdarlığı var. Futbolçularımız bu il qırmızı vərəqə almayıb.

2018-ci ildə həm yığmamız, həm də rəqibləri 2 penalti imkanı qazanıb. Riçard Almeydanın hər iki vuruşu dəqiq olubsa, Kamran Ağayev də rəqib zərbələri qarşısında aciz qalıb.

Yığmamızın il ərzində keçirdiyi oyunlarda bir avtoqol qeydə alınıb. Yeganə uğursuz Maksim Medvedevdir. O, Belarusla Bakıdakı matçda (0:1) qapıları səhv salıb.

Millimiz 2018-ci ildə

futbolçu oyun dəqiqə qol sarı qırmızı
Maksim Medvedev 12 1035 2 1 0
Qara Qarayev 12 1002 0 3 0
Kamran Ağayev 10 855 -8 0 0
Pavel Paşayev 10 748 0 0 0
Mahir Mədətov 10 707 2 0 0
Dmitri Nazarov 10 653 2 2 0
Riçard Almeyda 9 790 3 2 0
Cavid İmamverdiyev 9 342 1 1 0
Araz Abdullayev 8 648 1 1 0
Təmkin Xəlilzadə 8 487 1 2 0
Bədavi Hüseynov 7 549 0 0 0
Ürfan Abbsov 7 454 1 0 0
Ruslan Qurbanov 7 343 0 0 0
Emin Mahmudov 7 306 1 0 0
Rahil Məmmədov 7 234 0 1 0
Ruslan Abışov 6 514 0 0 0
Ramil Şeydayev 6 276 0 0 0
Namiq Ələsgərov 5 317 0 0 0
Coşqun Diniyev 5 149 0 0 0
Rüfət Dadaşov 4 303 0 1 0
Rəhman Hacıyev 4 51 0 0 0
Səlahət Ağayev 3 225 -4 0 0
Amil Yunanov 3 136 0 0 0
Cavid Hüseynov 2 153 0 0 0
Tural Axundov 2 120 0 0 0
Rauf Əliyev 2 84 0 0 0
Əfran İsmayılov 2 68 0 0 0
Mirabdulla Abbasov 2 39 0 0 0
Abbas Hüseynov 1 90 0 1 0
Şəhriyar Rəhimov 1 73 0 1 0
Rahid Əmirquliyev 1 61 0 0 0
İlqar Qurbanov 1 45 0 0 0
Rəşad Eyyubov 1 12 0 0 0
Asif Məmmədov 1 11 0 0 0