Bu gün Azərbaycan milli komandası UEFA Millətlər Liqasının qrup mərhələsində sonuncu oyununa çıxacaq.

Goal.az xəbər verir ki, Canni de Byazinin rəhbərlik etdiyi yığmamız Lüksemburqun qonağı olacaq.

Millimiz B liqasına yüksəlmək şansını itirsə də, bu görüşün əhəmiyyəti böyükdür. Çünki yığmamız hazırda qərarlaşdığı 3-cü pilləni qorumağı bacarsa, yarışla vidalaşsa belə, C liqasında qalacaq. Ancaq 4-cü sıraya yuvarlanmaq C liqasında qalmaq uğrunda pley-off matçlarına qatılmaqla nəticələnəcək.

Qrupun eyni vaxtda başlayacaq digər matçında Monteneqro və Kipr yığmaları üz-üzə gələcək.

17 noyabr

Millətlər Liqası

C liqası, 1-ci qrup

6-cı tur

23:45. Lüksemburq - Azərbaycan

Baş hakim: Feliks Zvayer (Almaniya)

Lüksemburq. Joze Bartel stadionu