20/03/2022
13:23
652
| A A A
Beş futbolçu uzun müddətdən sonra Azərbaycan yığmasına cəlb olunub

Uzun müddətdən sonra 5 futbolçu Azərbaycan millisinin heyətinə cəlb olunub.

Goal.az xəbər verir ki, bunlar Sabah-ın qapıçısı Səlahət Ağayev, Qarabağ-ın yarımmüdafiəçisi Riçard Almeyda, Neftçi-dən Eddi İsrafilov, Ertsgebirge-dən Dmitri Nazarov və Zirə-nin hücumçusu Ağabala Ramazanovdur.

Onlar Malta və Latviyaya qarşı yoldaşlıq matçları üçün dəvət alıb. Oyunçuların hamısı son olaraq 2019-cu ilin noyabrında səfərdə Slovakiyaya 0:2 hesabı ilə uduzduqları AVRO-2020-nin seçmə oyununda komandaya çağırılıb.

Qeyd edək ki, Azərbaycan yığması martın 25-də Malta ilə, 4 gün sonra isə Latviya ilə üz-üzə gələcək. Hər iki görüş Maltadakı Milli Stadionda gerçəkləşəcək. (report)