İspaniya millisinin və Barcelona-nın sabiq futbolçusu Andres İnyesta La Liqanın səfiri təyin edilib.

Goal.az-ın İspaniya mətbuatına istinadən yaydığı xəbərə görə,  bu münasibətlə ona adının və La Liqanın yazıldığı 8 nömrəli forma təqdim olunub. Təqdimetmə mərasimində La Liqanın prezidenti Xavter Teba da iştirak edib.

Qeyd edək ki, hazırda Yaponiyanın Vissel Cobe klubunda oynayan İnyesta 2002-2018-ci illərdə Barcelona-da oynayıb. O, Kataloniya təmsilçisində 8 nömrəli forma geyinib.