Beynəlxalq Futbol Tarixi və Statistikaları Federasiyası (İFFHS) dünyanın ən yaxşı qapıçılarının siyahısını açıqlayıb.

Goal.az xəbər verir ki, araşdırma 1987-2020-ci illəri əhatə edib.

Siyahının ilk pilləsində İtaliya yığmasının sabiq üzvü, Juventus-un qapıçısı Canluici Buffon yer alıb. 43 yaşlı futbolçunun aktivində 357 xal var.

İspaniya yığmasının və Real Madrid-in sabiq qapıçısı İker Kasilyas 260 xalla 2-ci sırada qərarlaşıb. Chelsea-nin keçmiş futbolçusu, Çexiya yığmasının sabiq qolkiperi Petr Çex isə 218 xalla 3-cü yeri tutub.

Qeyd edək ki, İFFHS 34 ildə hər mövsüm yüksək nəticə göstərən qapıçıları sıralayıb. Hər il "20-lik"də yer alan qapıçılar xallar toplayıb. Birinci yerin sahibi 20, ikinci yer 19, üçüncü yer isə 18 xal alıb. 20-ci yerdəki qolkiperə 1 xal verilib.

Siyahının ilk 10 pilləsində yer alan qapıçılar:

1. Canluici Buffon (İtaliya) - 357

2. İker Kasilyas (İspaniya) - 260

3. Petr Çex (Çexiya) - 218

4. Edvin Van Der Sar (Niderland) - 201

5. Manuel Noyer (Almaniya) - 200

6. Peter Şmeyxel (Danimarka) - 179

7. Oliver Kan (Almaniya) - 162

8. Xose Luis Çilavert (Paraqvay) - 146

9. Valter Zenqa (İtaliya) - 132

10. Andoni Subisaretta (İspaniya) - 132