Barcelona-nın baş məşqçisi Xavi komandası ilə birlikdə ABŞ toplanışına gedə bilməyib.

Goal.az xəbər verir ki, ispaniyalı mütəxəssis pasportla bağlı problem yaşayıb. Xavi daha əvvəl 3 dəfə İrana səfər etdiyinə və sənədində bu ölkənin möhürü olduğuna görə ABŞ-a buraxılmayıb.

42 yaşlı çalışdırıcı üçün xüsusi icazə alınacaq və o, bazar ertəsi Kataloniya təmsilçisinin təlim-məşq toplanışına qatılacaq.

Barcelona ABŞ turu zamanı İnter Miami, Real, Juventus və New York Red Bull-la hazırlıq matçları keçirəcək. (sportal)