14/05/2019
14:21
823
| A A A
Yığmamız olimpiya reytinqli turnirdə

Azərbaycan karate millisi İstanbulda Dünya Karate Federasiyasının (WKF) Karate1 Seria A turnirində iştirak edəcək.

Goal.az xəbər verir ki, 17-19 may tarixlərində keçiriləcək nüfuzlu yarışda yığmanın əsas və əvəzedici üzvləri mübarizə aparacaqlar.

Kumite üzrə kişilərin baş məşqçi Bahəddin Kandaz, böyük məşqçilər Şahin Xudaverdiyev və Qurban Tağıyevin rəhbərlik etdiyi komanda heyətində Hümmət Baxşəliyev (-67 kq), Rafael Ağayev və Vüsal Kamallı (-75 kq), Ayxan Mamayev, Pənah Abdullayev və Turqut Həsənov (-84 kq), həmçinin Şahin Atamov, Asiman Qurbanlı və Əli Cəfərov (+84 kq) yer alıb. Qadınların baş məşqçisi Denis Morozov Nuranə Əliyevanın, Fidan Teymurova (-50 kq), İlahə Qasımova və Aytac Əliyeva (-55 kq), İrina Zaretska, Zamira Rizayeva (-68 kq) və Fəridə Əliyevanın (+68 kq) çıxışına üstünlük verib.

Kata üzrə baş məşqçi Vahid Ayvazov isə Roman Heydərov və Neda Rezainin yarışa qatılmasını məqbul sayıb. Komanda kata turnirində isə İsmayıl Quliyev, Tural Balcanlı və Rövşən Əliyev çıxış edəcək.

İstanbulda liqa turnirinə yollanan heyətə Azərbaycan Milli Karate Federasiyasının prezidenti Yaşar Bəşirov rəhbərlik edir. Beynəlxalq hakimlər Cahangir Babayev heyətdə də yer alıb. Milli komandanın idmançılarından başqa klub idmançıları da yarışda özlərini sınayacaqlar.

Karate1 Seriya A turnirin İstanbul mərhələsinə 101 ölkədən 1813 idmançı mübarizə qatılacaq. Nəticələr karateçilərin dünya və olimpiya reytinq cədvəlinə təsir göstərəcək.

Ən maraqlısı hansıdır?

ÇEMPİONLAR LİQASI
%
AVROLİQA
%
AVROPA ÇEMPİONATI
%
DÜNYA ÇEMPİONATI
%
22437 səs