01/08/2019
12:05
1590
| A A A
Şəhriyar Məmmədyarovla Teymur Rəcəbovun mövqeyi dəyişib

Beynəlxalq Şahmat Federasiyası (FİDE) avqust ayı üçün reytinq siyahısını açıqlayıb.

Goal.az xəbər verir ki, ötən ayla müqayisədə Azərbaycan qrossmeysterlərindən Şəhriyar Məmmədyarov bir pillə geriləyib. O, 2764 xalla 9-cu pillədə qərarlaşıb. 34 yaşlı şahmatçı norveçli dünya çempionu və lider Maqnus Karlsendən 118 xal geri qalır.

Bir pillə irəliləyən Teymur Rəcəbov 2758 xalla 12-ci sıradadır. Hesabında 2675 xalı olan Arkadi Naydiç 62-ci yerdə qalıb. Qədir Hüseynov isə 2654 xalla "100-lüy"ü qapayır. Onun da mövqeyi dəyişməyib.

Qadınların "Top-100"də Azərbaycanın iki şahmatçısı yer alıb. Bir pillə geriləyən Günay Məmmədzadə 2425 xalla 41-ci pillədədir. Yenidən "Top-100"ə dönən Xanım Balacayeva isə 2367 xalla 97-cidir.