Chelsea-nin futbolçusu Enzo Fernandeş Argentina millisindəki komanda yoldaşı Lionel Messi haqqında danışıb. 

Goal.az xəbər verir ki, 22 yaşlı yarımmüdafiəçi 35 yaşlı hücumçunu tərifləyib:

“O, həm oyunu ilə, həm də paltardəyişmə otağındakı yüksək səviyyəli davranışları ilə pozitiv olan liderlərdən biridir. Messi hamı ilə mehribandır. O, ən böyük ulduzlardan tutmuş gənclərə qədər komandadakı hər kəsə dəstək təklif edir.

Messinin Qətərə gedən yolda yanımda olduğunu, mənə böyük mənəvi dəstək olduğunu çox yaxşı bilirdim. Messi ilə oynamaq mənim ən böyük arzum idi. Demək olar ki, Allah mənə böyük bir hədiyyə verib. Messi və Tanrı fərqlidirmi? Xeyr, bəlkə də yox".