Türkiyə millisinin futbolçusu Enes Ünalın yeni komandası müəyyənləşib.

Goal.az xəbər verir ki, 2019/2020 mövsümünü icarə əsasında Real Valladolid-də keçirən 23 yaşlı hücumçu La Liqanın digər təmsilçisi Getafe-yə transfer olunub.

Klubun rəsmi saytının yaydığı məlumata görə, onunla 5 illik sözləşmə imzalanıb. Bunadək müqavilə ilə Villarreal-a məxsus olan Ünalın keçidi üçün 9 milyon avro təzminat ödənilib.

Qeyd edək ki, ötən mövsüm İspaniya çempionatının 37 oyununda meydana çıxan Enes Ünal 8 qol vurub və 2 məhsuldar ötürmə edib.