03/09/2019
20:28
8949
| A A A
Barcelona və Neymar bir-birilərini məhkəməyə verdilər

PSG-nin utbolçusu Neymar və Barcelona bir-birilərini məhkəməyə veriblər.

Goal.az AS nəşrinə istinadən xəbər verir ki, 27 yaşlı hücumçu Paris təmsilçisinə keçməzdən öncə ispanlardan 40 milyon avro bonus almalı idi, ancaq bu məbləğin yalnız 14 milyonunu ala bilib. Braziliyalı oyunçu qalan pulu və 10 faiz təzminatı tələb edir. Kataloniya klubu isə sabiq futbolçusu Neymarın mövqavilə şərtlərini pozduğu üçün ondan 75 milyon avro istəyir.

Artıq bu məsələ ilə bağlı iş iki dəfə təxirə salınıb. Məhkəmə iclası əvvəlcə bu il yanvarın 31-nə təyin edilsə də, son anda təxirə salınıb. Növbəti proses isə martın 31-nə salınıb, lakin Neymarın vəkilləri onun PSG ilə müqaviləsini üzə çıxartmaqdan imtina ediblər. Hakim məhkəməni sentyabrın 27-nə təyin edib.

Bildirilir ki, şahidlər arasında Fransa klubunun prezidenti Nasser Əl-Xəlafi də olmalıdır, baxmayaraq ki, o, əvvəl ifadə verməkdən imtina edib.

Qeyd edək ki, Neymar 2 il əvvəl Barcelona-dan PSG-yə rekord məbləğə - 222 milyon avroya keçib. Onun Paris klubu ilə 2022-ci ilədək müqaviləsi var.  Futbolçunun yay transfer pəncərəsində keçmiş klubuna keçidi gündəmdə olsa da, son anda PSG tərəfinin irəli sürdüyü şərt transferin reallaşmasına problem yaradıb. PSG Neymar üçün 150 milyon avro, həmçinin 3 futbolçu – Jan-Klera Todibo, İvan Rakitiç və Usman Dembelenin icarə verilməsini istəyib. Son anda isə transfer məbləğini futbolçu dəyişikliyi olmadan 300 milyon avroya qaldırıb. 

Ən maraqlısı hansıdır?

ÇEMPİONLAR LİQASI
%
AVROLİQA
%
AVROPA ÇEMPİONATI
%
DÜNYA ÇEMPİONATI
%
33950 səs