17/01/2020
14:41
1879
| A A A
Kanselo klubunu dəyişə bilər

Tottenham Manchester City-nin müdafiəçisini transfer etmək istəyir.

Goal.az xəbər verir ki, londonlular Manchester City-nin müdafiəçisi Joao Kanselonun xidmətində maraqlıdır. Müdafiəçi axtarışında olan Tottenham-in baş məşqçisi Joze Mourinyonun Kanselonu komandada görmək istədiyi bildirilir.

Futbolçu “şəhərlilər”in heyətində kifayət qədər şans qazana bilməməsindən şikayətlənir. Avqustda Manchester City-ə transfer olunan 25 yaşlı futbolçu, cari mövsümdə bütün turnirlər nəzərə alınmaqla iştirak etdiyi 18 oyunda 1 qolla yadda qalıb.