Rennes klubunun hücumçusu Mbaye Nyanq karyerasını Səudiyyə Ərəbistanında davam etdirəcək.

Goal.az xəbər verir ki, 26 yaşlı futbolçu Al-Ahli klubuna keçib.

Bu barədə Səudiyyə Ərəbistanı təmsilçisinin mətbuat xidməti məlumat yayıb. Nyanq mövsümün sonuna qədər icarə əsasında Al-Ahli-də çıxış edəcək.

Nyanq karyerası ərzində İtaliyada Torino, Milan, Genoa, İngiltərədə Watford, Fransada Monpellier klublarının uğurları üçün çalışıb. Seneqal millisinin də üzvü olan hücumçu 2019-cu ildən Rennes-də çıxış edirdi. (matc)