21/06/2021
16:26
2157
| A A A
"Hər kəsi utandırdıq, haqqınızı halal edin” - Burak Yılmaz

Futbol üzrə Türkiyə millisinin kapitanı Burak Yılmaz ötən gün Bakıda AÇ-2020-nin qrup mərhələsinin üçüncü turu çərçivəsində İsveçrəyə uduzduqları matçdan (1:3) sonra fikirlərini bölüşüb.

Goal.az xəbər verir ki, 35 yaşlı futbolçu qitə birinciliyi ilə erkən vidalaşmalarını belə şərh edib:

“Bu turnirə çox yaxşı hazırlaşdığımızı düşünürdük. Xəyallarımız çox fərqli idi. Bəlkə də özümüzü lazımsız stressə saldıq. Hər kəsdən üzr istəyirik, hamını utandırdıq. Haqqınızı halal edin. Niyyətimiz fərqli idi. Biz bura rekord qıraraq gəlmişdik. Bəlkə də artıq belə böyük turnirlərə getməyi bilirik, amma belə turnirlərdə oynamağı bacarmırıq. Hamımız çox üzgünük”.