15/09/2019
23:40
1702
| A A A
"Onun xarakterində zəiflik var" - Qurban Qurbanov

"Futbolçularımı təbrik edirəm. Çətin və vacib qələbə qazandıq. Uzun fasilədən sonra istər-istəməz oyun ritmi itir. Amma nə qədər çətin olsa da, futbolçular sona kimi mübarizə apara bildilər. Neftçi-yə də uğur arzulayıram".

Goal.az xəbər verir ki, bu sözləri Qarabağ-ın baş məşqçisi Qurban Qurbanov Azərbaycan Premyer Liqasının 4-cü turunda bu gün Neftçi ilə keçirilən oyundan (2:0) sonra mətbuat konfransında deyib.

- Oyuna baxanda belə təəssürat yarandı ki, komanda ideal oynadı. Sevilla-ya qarşı matç öncəsi hansı məqamlar sizi narahat etdi?

- Bəzi futbolçularımızın oyun ritmindən düşdüyünü qeyd etdim. Yorğunluq gəldikcə top itkiləri yarandı. Bu gün Neftçi bağışladı, amma Sevilla belə səhvləri bağışlamayacaq. Top bizdə az ola bilər, çalışmalıyıq ki, həmin anlarda səhvsiz oynayaq. Oyunçuların performansı daha yaxşı olacaq. O futbolçular top itirirdi ki, hansı ki, bunu etməməlidilər. Daha didqqətli və konsentrasiyalı olmalıdılar. Neftçi yaxşı pressinq edirdi. Bu amil də var. Hər bir halda, daha səliqəli oynamağa çalışmalıyıq.

- Mövsümün əvvəlində Neftçi-nin sizə rəqib ola biləcəyi düşünülürdü. Ancaq rəqib baş məşqçi də sizdən əvvəl Qarabağ-ın gücünü qeyd etdi. Fikirləşmək olarmı ki, çempiponluğu əziyyətsiz qazanacaqsız?

- Yox. Qətiyyən belə düşünmürəm. Keçən il də şahid olduq ki, məğlubiyyətlər yaşandı. Futbol elə oyundur ki, bu fikirlə yanaşsaq, uduzmuş olarıq. Hər oyuna daha ciddi yanaşamalıyıq. Xoş haldır ki, Neftçi ilə xal fərqi çoxdur. Ancaq bu, heç nə demək deyil. Qarşıda çox oyun var. İndidən çempionluğu düşünsək, bizə ziyan verər.

- Beqoviçin performansından razı qaldınız?

- Bu matçda yaxşı idi. Amma son 4 ayda rəsmi oyunlara çıxmamışdı. Təcrübəsi sayəsində bunu aradan qaldıra bilər. Hər bir halda düşünürəm ki, belə matçlarda təcrübəsi bizə fayda verəcək.

- Çempionatda ən xoş sözlərə layiq İsmayıl İbrahimlinin avrokubokda debüt etmək şansı nə qədərdir?

- Qarşıdakı oyunlar göstərəcək. İndi bir söz deyə bilmərəm. Birdən-birə həmin oyunlara atsaq, “yana” bilər. Burda özünü təcrübəli hiss etməli, stabil və soyuqqanlı olmalıdır. Ondan sonra daha yaxşı olar.

- Bu oyunun ən yaxşılarından Ailton nədənsə aqressiv idi...

- Onun aqressiv olmadığı anı görməmişəm. Oyundankənar başqa, meydandakı başqa. Bu, məni narahat edir. Onun xarakterində zəiflik var. Daha stabil oynamaq üçün futboldankənar aqressivliyi kənara atmalıdır. Bu olmasa, həm özünə həm bizə mane ola bilər.

- Sanki meydanda problemlər var idi...

- Düzdür, bir qədər ağır idi. İndi belə dövrdür. Mütəxəssislərin deyidinə görə, torpağın yumşaq vaxtıdır. Bu futbolçulardan əlavə güc alır. Məni narahat etdi ki, zədəyə də gətirib çıxara bilər. Başqa variantımız yoxdur. Düşünürəm ki, Sevilla ilə matçda daha yaxşı olacaq.

Ən maraqlısı hansıdır?

ÇEMPİONLAR LİQASI
%
AVROLİQA
%
AVROPA ÇEMPİONATI
%
DÜNYA ÇEMPİONATI
%
36032 səs