Barcelona yarımmüdafiəçisi Qavini əsas komandanın oyunçusu kimi qeydiyyatdan keçirib.

Goal.az xəbər verir ki, Barcelona maliyyə fey-pleyi qaydalarına görə Qavini qeydiyyatdan keçirə bilmirdi. Ötən gün isə klub məhkəməni udub və bütün lazımi sənədləri qaydasına salmağı bacarıb.

Qavi forma nömrəsini də dəyişib. Buna qədər 30 nömrəli formada çıxış edən 18 yaşlı oyunçu hazırda komandanın baş məşqçi olan Xavinin klubda futbolçu kimi çıxış etdiyi vaxtlarda geyindiyi 6 nömrəli formanı geyinəcək.