27/04/2022
11:00
4688
| A A A
Kərim Benzema Çempionlar Liqasında yeni uğura imza atıb

Real Madrid-in futbolçusu Kərim Benzema UEFA Çempionlar Liqasında yeni uğura imza atıb.

Goal.az xəbər verir ki, 35 yaşlı hücumçu buna İngiltərədə Manchester City-yə 3:4 hesabı ilə uduzduqları yarımfinal mərhələsinin ilk oyununda dubl etməklə nail olub.

Fransalı forvard bir mövsüm səfərdəki pley-off matçlarında eyni ölkənin klublarına 5 qol vuran ilk oyunçu kimi tarixə düşüb. Benzema daha əvvəl İngiltərənin digər təmsilçisi Chelsea-yə səfərdə 3:1 hesabı ilə qalib gəldikləri 1/4 final mərhələsinin ilk oyununda "het-trik" etmişdi.

Qeyd edək ki, Kərim Benzema cari mövsüm Madrid təmsilçisinin heyətində 41 oyuna 41 qol və 13 məhsuldar ötürmə ilə yadda qalıb. Real Madrid və Manchester City komandaları arasındakı cavab görüşü mayın 4-də olacaq. (report)