Beynəlxalq Futbol Tarixi və Statistikaları Federasiyası (IFFHS) UEFA Çempionlar Liqasında (ÇL) ən çox oyun keçirən baş məşqçilərin adlarını açıqlayıb.

Goal.az xəbər verir ki, qitənin ən nüfuzlu klub turnirində ümumilikdə 8 mütəxəssis 100 və daha çox matça komanda çıxarıb.

Son olaraq İngiltərənin Liverpool klubunun baş məşqçisi Yurgen Klopp siyahıya qoşulub. Turnirin 1/8 final mərhələsində İspaniya təmsilçisi Real Madrid-lə (2:5) keçirilən qarşılaşma almaniyalı mütəxəssisin 100-cü görüşü olub.

Siyahıya Aleks Ferqyuson başçılıq edir. Şotlandiyalı 1980-2013-cü illər aralığında ÇL-də 202 oyun həyəcanı yaşayıb.