29/03/2019
20:22
3475
| A A A
FİFA millimizi reytinqdən çıxardı

FİFA qadın futbolçulardan ibarət milli komandaların reytinq siyahısını açıqlayıb.

Goal.az-ın məlumatına görə, cədvəldə dünyanın 155 yığması yer alıb.

Komandaların ümumi sayında yeni rekord qeydə alınsa da, Azərbaycan millisi bu siyahıya daxil edilməyib. Adətən üç aydan bir açıqlanan reytinqin 2018-ci ilin dekabrındakı cədvəlində 1360 xalla 69-cu olan Azərbaycan millisi mövqeyini tamamilə itirib.

FİFA son dövrlərdə az sayda oyun keçirən yığmamızı uzun müddət fəal olmadığı üçün siyahıdan kənarlaşdırıb. Komandamız kimi Mavriki də uzun müddət fəal olmadığı üçün eyni aqibətlə üzləşib.

FİFA-nın reytinq cədvəlinə ABŞ millisi başçılıq edir – 2101 xal. Almaniya 2072 xalla ikinci, 2049 xala malik İngiltərə üçüncü pillədə qərarlaşıb.

Qeyd edək ki, növbəti reytinq siyahısı iyulun 12-də açıqlanacaq. ONA

money.az currency

Noyabrın ən yaxşı futbolçusu?

PEYMAN BABAYİ
%
DAVİT VOLKOV
%
RİÇARD QADZE
%
JOZEF MONROZ
%
7217 səs