28/10/2019
14:29
1220
| A A A
Millimizin potensial rəqibləri müəyyənləşdi

Futzal üzrə dünya çempionatının Avropa zonası üzrə əsas seçmə mərhələsi başa çatıb.

Goal.az-ın məlumatına görə, 8 qrupda baş tutan görüşlərdən sonra elit-raundun iştirakçıları bəlli olub.

Bakıda keçirilən 3-cü qrupun qalibi olan Azərbaycan millisi ilə yanaşı, Belarus, Çexiya, Xorvatiya, Finlandiya, Fransa, İtaliya, Qazaxıstan, Portuqaliya, Rumıniya, Rusiya, Serbiya, Slovakiya, Sloveniya, İspaniya və Ukrayna da elit-raunda adlayıb.

Bu mərhələnin püşkü noyabrın 7-də, Bakı vaxtı ilə saat 17:15-də atılacaq. Komandalar püşkatmada 4 qrupa bölünəcək. Qrup qalibləri gələn il Litvada təşkil olunacaq mundiala vəsiqə qazanacaq. İkinci yerin sahibləri isə pley-offda son iki vəsiqəni müəyyənləşdirəcəklər.

Qeyd edək ki, millimiz qrupda Moldovanı 3:1, Monteneqronu 3:2, Slovakiyanı isə 2:0 hesabı ilə məğlub edib.

Millinin biabırçı nəticələrinə görə günahkar kimdir?

AFFA
%
FUTBOLÇULAR
%
BAŞ MƏŞQÇİ
%
DİGƏR
%
502 səs