22/05/2021
15:28
969
| A A A
Azərbaycan paralimpiyaçıları Tbilisidə iki qızıl medal qazandı

Gürcüstanın paytaxtı Tbilisidə pauerliftinq üzrə paralimpiyaçılar arasında Dünya Kuboku davam edir.

Goal.az xəbər verir ki, Azərbaycan təmsilçisi Elşən Hüseynov 107 kq çəki dərəcəsində birinci yeri tutub.

İkinci və üçüncü yerləri özbək idmançı Nuriddin Davlatov və Gürcüstan təmsilçisi Akaki Cinçaradze paylaşıblar.

Digər ağırlıq qaldıran Şamo Aslanov isə 107 kq-dan yuxarı çəki dərəcəsində qızıl medal qazanıb, II yeri kolumbiyalı Con Kastaneda Velasquez, III yeri isə gürcü Giorgi Latsabidze tutub.

Yarışlara sabah yekun vurulacaq.