Milan-ın futbolçusu Olivye Jiru Fransa millisindəki karyerasını başa vurmaq niyyətində deyil.

Goal.az xəbər verir ki, 36 yaşlı hücumçu "RMC Sport"a açıqlamasında deyib: “Milli komandadan ayrılıb, ürəyimə çox yaxın olan bu mavi köynəyi çıxarmağa hazır deyiləm. Hələ heç nə bitməyib. Ümid edirəm ki, bizi qarşıda çoxlu duyğu gözləyir.

Davam etmək üçün motivasiyam var. Fiziki olaraq da özümü yaxşı hiss edirəm. Hazırda mən milliyə çağırılmağa və komanda oyunçusu kimi qalmağa hazıram”.

Qeyd edək ki, Jiru DÇ-2022-də Fransa millisinin heyətində 6 oyunda 4 qol vurub.