Sevilla heyətini yeni futbolçu ilə gücləndirib.

Goal.az xəbər verir ki, La Liqa təmsilçisi Argentinanın San Lorenzo klubunun mərkəz müdafiəçisi Federiko Qattonini transfer edib.

23 yaşlı futbolçu ilə müddəti 2027-ci ilin yayına qədər olan müqavilə imzalanıb. İspanlar bu transfer üçün Argentina təmsilçisinə 1.4 milyon avro ödəyiblər.

Qattoni bu mövsümün sonuna kimi San Lorenzo-da icarə əsasında çıxış etməyə davam edəcək. Argentinalı futbolçu Sevilla-ya yayda qoşulacaq.

Qeyd edək ki, Qattoni San Lorenzo-nun öz yetirməsidir. O, bu klubun əsas komandasında meydana çıxdığı 70 matçda 6 qol vurub.